martedì 16 febbraio 2010

Venezia. Goldoni. Una delle ultime sere di Carnovale






Carlo Goldoni

Una delle ultime sere di Carnovale - 1762 -

ATTO PRIMO - SCENA PRIMA -

Camera e lumi sul tavolino

ZAMARIA, BALDISSERA, COSMO e MARTIN

ZAMARIA Putti, vegnì qua. Stassera ve dago festa. Semo in ti ultimi zorni de carneval. Dago da cena ai mi amici; dopo cena se balerà quatro menueti; vualtri darè una man, se bisogna, e po magnerè, goderè, ve devertirè.
BALDISSERA Sior sì, sior patron; grazie al so bon amor.
MARTIN Semo qua a servirla, e goderemo anca nu le so grazie.
COSMO Oe, stassera no sentiremo la realtina al teler.(agli altri giovani)
ZAMARIA Ah! baron, veh! lo so, che ti gh'ha manco voggia dei altri de laorar. Peccà, peccà, che no ti applichi, che no ti voggi tender al sodo. Se ti vol, ti xè un bon laorante; e se ti volessi, ti deventeressi el più bravo testor de sto paese. Ma, sia dito a to onor e gloria, no ti gh'ha volontà de far ben.
COSMO No so cossa dir. Pol esser anca, che la diga la verità.
ZAMARIA Oh! via, per stassera no disemo altro. Devertìmose, e che tutti goda. Doman po, sior Cosmo carissimo, dè drio a quel drapeto. Vu, sior Baldissera, domattina a bon'ora andè dal manganer, a véder se i ha dà l'onda a quel amuer, e vu, sior Martin, scomenzerè a ordir quel camelotto color de gazìa
MARTIN Benissimo; e adesso cossa vorla, che femo?
ZAMARIA Adesso, andè de là; vardè, se a mia fia ghe bisogna gnente; fè qualcossa, se ghe n'avè voggia; e se no savè cossa far, tolè el trottolo, e devertive.
MARTIN Oh, che caro sior patron! Almanco el xè sempre aliegro.(parte)
BALDISSERA La diga. Balerémio anca nu un per de balloni?
ZAMARIA Sior sì. No se sàlo? Ha da balar tutti; balerò anca mi.
BALDISSERA Grazie; e viva; oh che gusto! (El xè un vecchietto, che propriamente el fa voggia).
COSMO La diga, sior patron: me dàla licenza, che alla festa fazza vegnir una putta?
ZAMARIA Una putta?
COSMO La vegnirà co so madre.
ZAMARIA Chi èla?
COSMO Tognina, fia de siora Gnese, che incana sea.
ZAMARIA Coss'è? Com'èla? Gh'è pericolo, che sta putta perda el giudizio?
COSMO Per cossa?
ZAMARIA Gh'è pericolo, che la te creda?
COSMO Cossa songio?
ZAMARIA Un furbazzo, un galiotto, che ghe n'ha burlà cinque.
COSMO E una sie. Patron, grazie. La farò vegnir. A bon reverirla. (parte)

Personaggi della prima scena:

Sior Zamaria testor, cioè fabbricante di stoffe
Cosmo, garzone lavorante di Zamaria
Baldissera, garzone lavorante di Zamaria
Martin, garzone lavorante di Zamaria


ne ricordo la versione teatrale al Teatro della Valle a Roma, regia se non erro di Luigi Squarzina, con Lucilla Morlacchi nei panni di Domenica, figlia di Zamaria il fabbricante di stoffe e Giancarlo Zanetti nei panni del moroso Anzoletto, disegnatore di quelle stoffe, gli anni, quelli del liceo, ahimè quanto gomitolo di tempo srotolato!


4 commenti:

cocozza ha detto...

bella venezia, belle le tue foto, l'inbrunire, l'incontro con pietro russo la magica atmosfera
bacioni cocozza

papavero di campo ha detto...

grazie cocozzina sensibile amica blogger

marcella candido cianchetti ha detto...

ho roletto volentieri grazie

papavero di campo ha detto...

ciao marcella! mi fa piacere

 
Creative Commons License
Questo/a opera è pubblicato sotto una Licenza Creative Commons.